Yoshlar bilan ishlash, ma’naviy-ma’rifiy ishlar va iqtidorli talabalar bilan ishlash bo‘limi

Bo‘limning funksional vazifalari

• yoshlarga oid davlat siyosatini amalga oshirish, talabalarning ijtimoiy faolligi, huquqiy ongi, fuqarolik mas’uliyati va kasbiy etikasini rivojlantirish;

• talabalarning bo‘sh vaqtini mazmunli tashkil etish, tashabbus va liderlik qobiliyatlarini qo‘llab-quvvatlash hamda ijtimoiy himoyaga muhtoj talabalar bilan ishlash;

• huquqbuzarliklar, korrupsiya, giyohvandlik, ekstremizm, terrorizm, kiberjinoyatchilik va boshqa salbiy holatlarning oldini olishga qaratilgan profilaktik tadbirlarni tashkil etish;

• ma’naviy-ma’rifiy tadbirlar, davlat bayramlari, kitobxonlik, milliy va umuminsoniy qadriyatlarni targ‘ib qilish ishlarini tashkil etish;

• talabalarda halollik, korrupsiyaga qarshi murosasiz munosabat, davlat xizmati odobi, soliq va moliyaviy madaniyatni shakllantirish;

• mediasavodxonlik, axborot xavfsizligi va mafkuraviy immunitetni rivojlantirish bo‘yicha targ‘ibot-tashviqot ishlarini amalga oshirish;

• iqtidorli talabalarni aniqlash, ularning ilmiy, innovatsion va ijodiy salohiyatini rivojlantirish hamda individual rivojlanishini monitoring qilish;

• iqtidorli talabalarni olimpiada, tanlov, konferensiya, forum va stipendiyalarga tayyorlash, ilmiy maqola, startap va innovatsion loyihalarini qo‘llab-quvvatlash;

• professor-o‘qituvchilar, olimlar va amaliyotchi mutaxassislar bilan hamkorlikda ustoz-shogird tizimini rivojlantirish;

• davlat organlari, Soliq qo‘mitasi tizimi tashkilotlari va boshqa hamkorlar bilan yoshlar va iqtidorli talabalar bilan ishlash bo‘yicha hamkorlikni tashkil etish;

• yoshlar va ma’naviy-ma’rifiy ishlar samaradorligini tahlil qilish, tegishli hisobot va takliflarni rahbariyatga kiritish.