Ixtisoslik fanlari kafedrasi

Kafedraning maqsadi, vazifalari va funksiyalari

• Tegishli fanlar bo‘yicha sifatli ta’lim berish, talabalarda zamonaviy bilim, ko‘nikma va kasbiy kompetensiyalarni shakllantirish hamda ilmiy-tadqiqot faoliyatini rivojlantirish;

• Fanlar bo‘yicha o‘quv dasturlari va sillabuslarni ishlab chiqish, ta’lim jarayonini kredit-modul tizimi talablariga muvofiq tashkil etish;

• Ma’ruza, amaliy va laboratoriya mashg‘ulotlarini yuqori ilmiy-uslubiy darajada tashkil etish hamda talabalar bilimini nazorat qilish va baholash;

• Kurs va bitiruv malakaviy ishlarini tashkil etish, mavzularini belgilash, ilmiy rahbarlarni biriktirish va bajarilishini nazorat qilish;

• Ilmiy-tadqiqot ishlarini olib borish, ularning natijalarini amaliyotga joriy etish hamda o‘quv-uslubiy majmualar, darslik va o‘quv qo‘llanmalarni tayyorlash;

• Talabalar va magistrantlarni ilmiy-tadqiqot faoliyatiga jalb qilish, ularning konferensiya, olimpiada va boshqa ilmiy tadbirlarda ishtirokini ta’minlash;

• Professor-o‘qituvchilarning o‘quv yuklamalarini taqsimlash, individual ish rejalarini shakllantirish va ularning bajarilishini nazorat qilish;

• Kafedra yig‘ilishlarida o‘quv-uslubiy va ilmiy masalalarni ko‘rib chiqish, fanlar bo‘yicha nazorat topshiriqlari bazasini shakllantirish va yangilash;

• Professor-o‘qituvchilarning malakasini oshirish va ilmiy salohiyatini rivojlantirish bo‘yicha takliflar ishlab chiqish.